Last Updated on 17 Aug 2026 • 1:57 PM by Openzone Online
ചെറുതോണി: ഓണം അടുത്തതോടെ അത്തപ്പൂക്കളത്തിനാവശ്യമായ പൂക്കളുടെ വിപണി സജീവമായി. ബന്ദി, ജമന്തി, വാടാമുല്ല, റോസ്, കോഴിപ്പൂ, ട്യൂബ് റോസ്, അരളി, ചെത്തി തുടങ്ങിയ വിവിധ ഇനം പൂക്കൾക്കാണ് ഇത്തവണ ആവശ്യക്കാർ ഏറുന്നത്. വീടുകളിലും സ്ഥാപനങ്ങളിലുമുള്ള അത്തപ്പൂക്കളങ്ങൾക്കായി ആളുകൾ പൂക്കൾ കൂട്ടത്തോടെ വാങ്ങിത്തുടങ്ങിയതോടെ ചെറുതോണിയിലും പൂക്കച്ചവടം ഉണർന്നു.
ചെറുതോണിയിലെ പ്രധാന പൂവിപണന കേന്ദ്രങ്ങളിലൊന്നായ S Cube Flower Mart & Lace House-ലും ഓണക്കാല വിൽപ്പനയിൽ കാര്യമായ വർധനയാണ് ഉണ്ടായിരിക്കുന്നത്. ദിവസവും 30 കിലോയ്ക്ക് മുകളിൽ പൂക്കൾ ഇവിടെ വിറ്റുപോകുന്നുണ്ടെന്ന് സ്ഥാപന ഉടമ ഷംലാദ് പറയുന്നു. സർക്കാർ ഓഫീസുകൾ, മെഡിക്കൽ കോളേജ്, എൻജിനീയറിങ് കോളേജ്, പോളിടെക്നിക്ക് തുടങ്ങിയ സ്ഥാപനങ്ങളിലേക്കും വിവിധ സംഘടനകളിലേക്കും ഇവിടെനിന്ന് പൂക്കൾ എത്തുന്നുണ്ട്.ബന്ദി, ജമന്തി എന്നിവയുടെ പ്രാദേശിക കൃഷി ഇടുക്കിയിലും നടക്കുന്നുണ്ടെങ്കിലും ഉൽപ്പാദിപ്പിക്കുന്നതിന്റെ വലിയൊരു ഭാഗം ഇതുവരെ വിപണിയിലെത്തിയിട്ടില്ല.
ഇതിനിടെ മറയൂർ ഉൾപ്പെടെയുള്ള പ്രദേശങ്ങളിൽനിന്നും തമിഴ്നാട്ടിൽനിന്നുമാണ് ചെറുതോണിയിലെ വിപണിയിലേക്ക് പ്രധാനമായും പൂക്കൾ എത്തുന്നത്. ഓണക്കാലത്ത് ആവശ്യകത കൂടിയതോടെ ഇത്തവണ മുൻവർഷങ്ങളെ അപേക്ഷിച്ച് കൂടുതൽ പൂക്കൾ വിറ്റുപോകുന്നുണ്ടെന്നും ഷംലാദ് പറഞ്ഞു. കർഷക സംഘങ്ങൾ, കുടുംബശ്രീ യൂണിറ്റുകൾ, ഗ്രാമപ്രദേശങ്ങളിലെ വിവിധ ക്ലബ്ബുകൾ എന്നിവരും വരും ദിവസങ്ങളിലെ ഓണാഘോഷങ്ങൾക്കായി പൂക്കൾ മുൻകൂട്ടി ഓർഡർ ചെയ്തിട്ടുണ്ട്. ഇതോടെ ഓണക്കാല പൂവിപണിയിൽ വരും വർഷങ്ങളിൽ പ്രാദേശിക ഉൽപ്പാദനത്തിനും വലിയ സാധ്യതയുണ്ടെന്ന സൂചനയാണ് ഇപ്പോഴത്തെ വിൽപ്പന നൽകുന്നത്.
ഓണക്കാലത്തെ ആവശ്യകത കണക്കിലെടുത്ത് ഉപഭോക്താക്കൾക്കായി പ്രത്യേക ഓഫറുകളും സമ്മാന കൂപ്പണുകളും ഒരുക്കിയിട്ടുണ്ടെന്നും ഷംലാദ് പറഞ്ഞു. ഓണം ആഘോഷിക്കുന്നവർക്കാവശ്യമായ പൂക്കൾ ഉൾപ്പെടെയുള്ള സാധനങ്ങൾ ഒരിടത്ത് ലഭ്യമാക്കുക എന്ന ലക്ഷ്യത്തോടെയാണ് ഇത്തവണത്തെ ഓണക്കാല ക്രമീകരണങ്ങളെന്നും അദ്ദേഹം വ്യക്തമാക്കി.ചെറുതോണി പാപ്പൻസ് ഹോട്ടലിന് സമീപം അടിമാലി റോഡിലാണ് S Cube Flower Mart & Lace House പ്രവർത്തിക്കുന്നത്.
