Last Updated on 26 Oct 2026 • 3:04 PM by Openzone Online
അടിമാലി: വെള്ളത്തൂവലിൽ ജ്യേഷ്ഠൻ അനുജനെ കുത്തിക്കൊലപ്പെടുത്തി. വെള്ളത്തൂവൽ സ്വദേശി കഞ്ചൻ പ്രസാദ് എന്നറിയപ്പെടുന്ന പ്രസാദാണ് സഹോദരൻ അനിലിനെ കൊലപ്പെടുത്തിയത്. അനിലിന്റെ വീട്ടിൽവെച്ചാണ് സംഭവം നടന്നത്. സംഭവവുമായി ബന്ധപ്പെട്ട് പ്രസാദിനെ വെള്ളത്തൂവൽ പോലീസ് അറസ്റ്റ് ചെയ്തു.
ഇരുവരും തമ്മിൽ നേരത്തേ തർക്കങ്ങൾ നിലനിന്നിരുന്നതായാണ് പ്രാഥമിക വിവരം. ലഹരിയുടെ സ്വാധീനത്തിലാണ് കൊലപാതകം നടന്നതെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നുണ്ടെങ്കിലും ഇക്കാര്യം ഔദ്യോഗികമായി സ്ഥിരീകരിച്ചിട്ടില്ല. പ്രതിയായ പ്രസാദിന് ക്രിമിനൽ പശ്ചാത്തലമുണ്ടെന്ന വിവരങ്ങളും പുറത്തുവരുന്നുണ്ട്. കൊലപാതകത്തിലേക്ക് നയിച്ച സാഹചര്യം, തർക്കത്തിന്റെ കാരണം, സംഭവസമയത്തെ മറ്റു സാഹചര്യങ്ങൾ എന്നിവ സംബന്ധിച്ച് കൂടുതൽ വിവരങ്ങൾ ലഭ്യമായിട്ടില്ല. പോലീസ് അന്വേഷണം തുടരുകയാണ്.
