Last Updated on 15 Oct 2026 • 3:25 AM by Openzone Online
ചെറുതോണി: തൊഴിലാളികളുടെ അവകാശങ്ങൾ സംരക്ഷിക്കുന്നതിനും അവരുടെ ജീവിതനിലവാരം മെച്ചപ്പെടുത്തുന്നതിനുമായി പ്രവർത്തിക്കുന്ന രാജ്യത്തെ ഏറ്റവും വലിയ തൊഴിലാളി സംഘടനകളിൽ ഒന്നായ കേരള ഇൻഡസ്ട്രിയൽ റൂറൽ ആൻഡ് ജനറൽ വർക്കേഴ്സ് യൂണിയൻ (INTUC) ഇടുക്കി റീജിയണൽ കൺവെൻഷൻ ഒക്ടോബർ 18ന് ഞായറാഴ്ച ഉച്ചകഴിഞ്ഞ് രണ്ടിന് ചെറുതോണിയിൽ നടക്കും.
കൺവെൻഷൻ റീജിയണൽ പ്രസിഡന്റ് ബാബു ജോർജ് പാലക്കലിന്റെ അധ്യക്ഷതയിൽ ചേരും. റോയ് കെ. പൗലോസ് എം.എൽ.എ കൺവെൻഷൻ ഉദ്ഘാടനം ചെയ്യും. യൂണിയൻ ഇടുക്കി ജില്ലാ പ്രസിഡന്റും INTUC ദേശീയ വർക്കിങ് കമ്മിറ്റി അംഗവുമായ ബാബു കുര്യാക്കോസ് മുഖ്യപ്രഭാഷണം നടത്തും. യൂണിയന്റെ ജില്ലാ ഭാരവാഹികളും പ്രവർത്തകരും കൺവെൻഷനിൽ പങ്കെടുക്കും. തൊഴിലാളികളുടെ പ്രശ്നങ്ങൾ ചർച്ച ചെയ്യുന്നതിനും സംഘടനയുടെ പ്രവർത്തനങ്ങൾ ശക്തിപ്പെടുത്തുന്നതിനുമുള്ള വേദിയായിരിക്കും കൺവെൻഷൻ.
